He kōrero poto

Here is the original interview (first broadcast on Manako, Radio Waatea, 21st March):

And here is my reading of the summary which follows:

I tēnei uiuinga ka kōrero tahi a Pohaturoa Waenga rāua ko Paulette Tamati-Elliffe. Ko Paulette te kaiwhakahaere o Kotahi Mano Kāika, he rōpū e whakaūkaipo ana i te reo Māori i ngā kāinga o ētahi whānau o Kai Tahu. He mema ia o te Runanga o Ōtākou, o Te Rūnanga o Ngāi Tahu, o Te Poari Matua o Te Mātāwai hoki.

Ko tā Paulette, e whā ngā tau e mahi tahi ana te whare wānanga me ngā tangata whenua i tēnei kaupapa. Ko te mea tuatahi, ko te ingoa ‘Ōtākou’ te ingoa tūturu mai rānō, otirā kua hē te whakahua i te mea nei, kua huri kē ki ‘Otago.’ Kua whakatikaina ināianei. E ai ki a Paulette, “Ko taua ingoa he awa moana i roto i te whanga o Ōtākou… ki ngā tīpuna he awa, e kawea mai ngā waka.” Kia a ia, ko te ingoa he tohu o te taetae mai o ngā waka o tēnā iwi, o tēnā iwi ki te rohe nei, nō reira, he tohu pai tērā mō te whare wānanga ki reira.

He pai hoki ki a rātou te whakauru i te whakaaro mō te waka, mō ngā waka hoki – kua kitea hoki i te ingoa Māori o Victoria University (ko ‘Te Herenga Waka’). Mō te kupu ‘whakaihu, ’ i huri hoki ō rātou whakaaro ki ngā tīpuna Māori i whai tohu ki reira – ko Te Rangi Hīroa (ko Tā Peter Buck ki ētahi) te tuatahi – me te whakaaro hoki, ko Ōtago te whare wānanga tuatahi i Aotearoa. Ko tētahi atu whakaaro, e hia kē ngā tāngata o tēnā iwi, o tēnā iwi kua ‘whakaihu waka’ ki te ao mai i te whare wānanga ki reira. Nō reira, e ai ki a Paulette, “I runga i tērā, ka whakaaro ko ‘Ōtākou Whakaihu Waka’ tētahi ingoa kia poho kererū ana te tangata, te tauira –  ahakoa ko wai, nō hea, he ingoa mōna.” Ko tā Pohaturoa kupu tāpiri, kua rangona whānuitia te kōrero mō ‘ngā toa whakaihu waka’ hei kupu mihi i ngā mātanga o tēnā, o tēnā kaupapa.

I ngā meneti whakamutunga o te uiuinga, ko tā Paulette, he tohu tēnei o te whakaaro pai o te whare wānanga ki te tangata whenua, ki ngā iwi Māori hoki, me te pīrangi kia pai tonu ngā herenga, kia kōkiri tonu te mahi tahi i ngā tau e heke mai nei.

Kupu āwhina:

whakaūkaipō to return (te reo) to its rightful place in the home

whakahua pronounce

taetae frequent or repeated arrival

poho kererū be proud

tāpiri add on

mātanga experts

herenga links

In this interview, Pohaturoa Waenga talks to Te Manahau (Scotty) Morrison about his research trip for the new series of ‘Orokohanga (Origins)’ which will be launched next year at Matariki.

A reminder – the original interviews I work from for “Kōrero Poto’ are from the programme ‘Manako’  on Radio Waatea. Here is the link to their archives:

https://waateanews.com/category/podcasts/waatea-shows/manako/

Here is the link to this specific interview, downloaded from Manako archives, Radio Waatea – this is saved to the blog:

Finally, here is the link to my spoken version of the summary below (there is an English translation after the vocab list – and before the ‘koha’ button!):

Tuatahi ake, ka kōrero a Te Manahau mō te tino wāhi i rangahaua ai te kaupapa nei – ko Ngā Marquesas, he moutere ērā i te rāwhiti o Tahiti, e toru haora pea mā runga waka rererangi te tawhiti mai i reira. He tino mārama i te uiuinga te kaha o tō Te Manahau whakapono i wehe ai ngā tūpuna mai i reira ki Aotearoa. I āta wānangatia e ngā kairangahau mō te hōtaka nei a ‘Orokohanga’ ngā mea i mōhiotia e pā ana ki ngā hononga o ērā moutere ki Aotearoa, kia hangaia ai ngā pātai mō tana haerenga ki Ngā Marquesas. Anei ana tauira o ngā momo pātai i tukua e ia ki a rātou ki reira:

• Kei hea a Hawaiki, ki ō rātou whakaaro
• Āe rānei he kōrero ā rātou e pā ana ki ētahi tūpuna i wehe i ō rātou moutere kia haramai ki konei, ki Aotearoa nei
• Ko wai ō rātou ingoa āe rānei e mōhio ana ki ngā whakapapa o ēnei tūpuna
• Āe rānei e mōhio ana ki ētahi waiata tawhito e kōrero ana mō ngā tūpuna i wehe
• Āe rānei he whakataukī, he whakatauākī rānei hei waenganui i a rātou e tohu ana i te wehenga o ērā tūpuna.

E ai ki Te Manahau, he tino whanaunga ngā tāngata o ērā moutere ki te iwi Māori – “he tino tata ā rātou kōrero, ō rātou whakapapa, ō rātou uara, ō rātou mātāpono… e kaha ōrite ana ki ō tātou whakapono, ki ō tātou mātāpono, ki ō tātou tikanga o te ao Māori.”

Ka kōrero hoki a Te Manahau mō tana toro ki ngā wāhi tapu ki reira, me tana taki karakia ki reira. He pai ērā kōrero, ā, ka rangona i te wāhanga whakamutunga o te uiuinga.

Ā tērā tau, ā Matariki ka pāhotia te hōtaka nei.

Kupu hōu

moutere	island
rangahau(a)	research
tira rangahau	research team
mātanga	expert
hononga	links, connections
āe rānei	are there or aren’t there (expresses uncertainty about existence or truth of something)
uara	value(s)
mātāpono	principle(s), guiding principles
taki karakia	recite karakia

Firstly, Te Manahau talks about the key place where this issue was researched – the Marquesas, islands to the east of Tahiti, about three hours away by plane. It’s clear in the interview that Te Manahau is convinced that the ancestors departed from there to Aotearoa. The researchers for the programme ‘Orokohanga’ deliberated over what was known about the links of those islands to Aotearoa, to frame questions for his trip to the Marquesas. Here are his examples of the sorts of questions he put to them over there:

• What were their thoughts about where Hawaiki is
• Did they have any stories / information about ancestors who left their islands to travel here to Aotearoa
• What names are known in the whakapapa of these ancestors
• Is there any information in some of the old waiata about ancestors who left
• Do they have any proverbs or attributed sayings which would point to the leaving of those ancestors.

According to Te Manahau, the people of those islands are clearly related to Māori – “their stories are really similar, as are their whakapapa, their values, their guiding principles – they are really similar to our beliefs, our principles, to our customs in the Māori world.”

Te Manahau also talks about his visits to the sacred places there, and his reciting karakia there. What he says is interesting, and it can be heard in the final part of the interview.

The programme will be broadcast next year, at Matariki.

This interview occurred several weeks ago, but the topic is interesting, and the original is really clear and should be fairly easy to follow. As always on here, the interview is from the programme ‘Manako’ on Radio Waatea.

A reminder – these posts are designed to help adults learning te reo Māori. The original interview is here, plus an easier / slower summary to listen to and to read.

Here is the link to the original interview (Manako, 6th October 2022):

And here is the link to my spoken version of the summary:

I tēnei patapatai, ka kōrero tahi a Pohaturoa Waenga me Te Arikirangi Mamaku-Ironside mō te whakahokinga mai o ētahi kōiwi tūpuna i puritia ai i te whare pupuri taonga i Vienna. Ko Te Arikirangi te kaitohutohu kōiwi tangata mō ‘Karanga Aotearoa’ – kei te rōpū nei te mana whakahaere i te whakahokinga kōiwi tangata.

E ai ki te kaiuiui, a Pohaturoa, kua pānuitia e ia ngā tuhinga nā Andreas Reischek, ā, i mōhio a Reischek he tino hē tana takahi i ngā tikanga Māori me tana tāhae i ngā kōiwi tangata. Ko tā Pohaturoa pātai tuatahi, he aha i pērā ai te roa o te whakahokinga mai o ērā kōiwi tūpuna?

Ko tā Te Arikirangi, he uaua te tono, te kōrero hoki ki te kāwana o tērā whenua, ki te whare pupuri taonga ki reira hoki. Otirā i aro ngā whakaaro o ētahi hōia Māori nō te Hokowhitu a Tū ki tēnei kaupapa i te mutunga o te pakanga tuarua o te ao. Inā ki Itāria rātou, ka puta mai te whakaaro me haere rātou ki Vienna kia kōkiri ai i te kaupapa, otirā kāore i taea e rātou te whakahokinga mai o ngā kōiwi te tutuki.

Nā Te Arikirangi i whakamārama ko wai a Andreas Reischek; nō Ateria (Austria) ia, ā, i mahia e ia ana mahi tāhae i waenganui i tērā atu rautau. Ko te wāhi i tino mahi ai ia i tana kimi kōiwi, ko te Tai Tokerau. Otirā, nā tana tuku kōrero i ngā hautaka (i ngā journals, me kī), i ana reta hoki, i puta mai te kōrero mō ana mahi kino ki ngā iwi Māori.

E ai ki Te Arikirangi, kāore i tino mōhiotia nō hea ngā kōiwi katoa, ahakoa tā Reischek tuhinga mō te kaupapa rā. Otirā i ngā wiki e heke mai nei, ka āta rangahaua te kaupapa, ā, ka kōrero tahi ngā kaimahi o ‘Karanga Aotearoa‘ me ngā iwi o Te Taitokerau, kia mōhio ai i hea a Reischek i huri haere ai ki te rapu taonga, kōiwi hoki.

Ko tā Pohaturoa, he mahi uaua tērā – ka whakaaetia e Te Arikirangi, engari, ko tāna, “He mahi pai.“

Kupu hōu
patapatai	interview (uiuinga)
kōiwi	bones
puritia	passive of pupuri – to hold
whare pupuri taonga	museum
aro	turn one’s attention to
kaitohutohu	adviser (in this context)
kāwana	government
Te Pakanga Tuarua o te Ao	Second World War
Itāria	Italy
Te Hokowhitu-a-Tū	The Māori Battalion
kia kōkiri ai i te kaupapa	to move forward the issue
i ngā wiki e heke mai nei	in the weeks ahead
rangahau(a)	(be) research(ed)

First, the link to the original interview (downloaded from Manako, Radio Waatea, 18/08/2022):

Second, the link to my spoken summary:

I tēnei uiuinga, ka kōrero tahi a Reuben Epiha rāua ko Jeremy Macleod.

Ā te marama e heke mai nei, ka tū tētahi hui ki Heretaunga hei whakanui i te whakarauora i te reo Māori. E whā ēnei momo hui i tū ai i ngā tau kua pahure, ā, ko te tuarima tēnei. Otirā, he rerekē te whakaaro mō te mea nei.

E ai ki a Jeremy, i ngā tau o mua, kua whakatōpū i ngā tāngata ngākaunui ki te reo o roto o Kahungunu. Otirā, i tēnei tau, ko te whakaaro, me huaki te kūaha ki te motu whānui, me whakatōpū hoki i ngā toki reo Māori mai i tēnā iwi, i tēnā iwi hei kaikōrero. Mō rātou e whakarongo ana, ko te whāinga, whai muri i ngā kōrero,  kia hoki anō rātou ki ō rātou rohe “i runga i te whakaaro hihiko ki te reo Māori.”

Kua whakamāramatia e Jeremy, ehara tēnei hui i tētahi momo kura reo. He kaupapa kē tēnei –  kia rongo ai i ngā kōrero a ngā mea kaha ki te whakatairanga i te reo Māori.

Ko tā Jeremy whakautu i te pātai, he aha tana tino hiahia mō tēnei hui:

“Ki a au, ko tētahi tino hua, ko te kite mai i kotahi mano tāngata ki roto i te rūma kotahi, e kimi ana i te oranga tonutanga o te reo i roto i a rātou. Kāore i tua atu i te noho i waenganui i te hunga e tapatahi nei te whakaaro, e tapatahi nei ngā ngākau, e kotahi nei te wairua ki te whakapiki i te oranga o te reo ki roto i ō rātou iwi maha.”

Otirā, kāore rāua i kōrero mō te ingoa o te hui, ‘Kua huri te tai.’ Pēhea ō whakaaro? Kua huri te tai mō te reo Māori, kāore rānei?

Kei konei te hononga hei rēhita, mō ngā kaikōrero, mō ngā tino whāinga hoki o te hui.

Kupu āwhina
Heretaunga	Hastings
whakarauora i te reo	revival of the language
whakatōpū	assemble (a group)
toki reo Māori	champions of the Māori language
whakaaro hihiko ki…	to be inspired, excited about …
whakatairanga	promote
tapatahi	to be united
Kua huri te tai!	The tide has turned!

English version:

‘The language forging ahead’: a symposium celebrating the Māori language to be held in Hastings

In this interview Reuben Epiha is talking with Jeremy Macleod.

Next month, a symposium is going to be held in Hastings to celebrate the revival of the of the Māori language. Four of these symposiums have been held in the years gone by, and this is the fifth. However, the idea behind this one is different.

According to , in previous years they gathered people who were passionate about the Māori language from within the iwi Ngāti Kahungunu. However, this year the idea was that they would open the doors to the whole country and gather Māori language champions from every iwi as speakers. For those who are going to be listening, the aim is that following the speeches they will return to their own areas “inspired about the Māori language.”

Jeremy explained that this isn’t this symposium isn’t a language school – it’s a whole different thing, to enable people to hear speeches from those who are strong in promoting the modern language.

 This is Jeremy’s answer to a question about the main thing he personally wanted from this symposium:

“To me the thing which is most worthwhile is to see a thousand people in one room who are seeking after the continuing well-being of the language amongst their own people. There’s nothing better than being amongst a group of people who’ve got united thoughts, united hearts and a united spirit for lifting the health of the language in their own iwi.”

However they didn’t talk about the title of the symposium – “The tide has turned!” What are your thoughts? Has the tide turned for the Māori language or not?

 Here is the link to register, to find out about the speakers, and to find out about the main aims of the symposium.

In April 2021 I decided to stop doing Kōrero Poto – the brief summaries of reo Māori interviews on Radio Waatea. Well, times change, and I’ve now decided to keep on doing it. I’ve learnt from some adult learners and some teachers of adults that they’ve found them useful. I’m semi-retired, so I have time available. I plan to work on some other reo Māori resources as well.

Thank you to those people who sent warm wishes when I stopped doing it. I hope you find the new things worthwhile as well.

Mauriora koutou!

Manako is back on Radio Waatea, and Kōrero Poto is back too.

Here is the original interview (Manako, Radio Waatea, 5th Feb 2021)

Here is my summary:

I tēnei uiuinga ka kōrero tahi a Eruera Rerekura rāua ko Rereata Makiha. He tohunga kōkōrangi, tātai arorangi a Rereata Makiha, ka mutu, mai rāno i whakatairangatia e ia ngā āhuatanga me ngā painga o te maramataka Māori.

Ko te kaupapa o te uiuinga, ko te kōwhiringa o te rā ka whakanuitia a Matariki hei rā whakatā-ā-ture ā tērā tau. Ko te 24 o Pipiri te rā i tohua.

Ko te tohu i a Matariki hei rā whakatā mō te motu whānui tētahi o ngā kī taurangi a Reipa i mua i te kōwhiringa-ā-motu i tērā tau, ā, kua tutuki ināianei.

Ko tā Rereata kupu tuatahi, he mihi nui ki a Rangi Matamua mō ana mahi hei hāpai i tēnei kaupapa, ā, he mihi hoki te Kāwanatanga mō ā rātou kawe i tēnei tino kaupapa o te ao Māori, me ā rātou whakamana i ngā whakaaro o ngā tūpuna. I whai wāhi a Rereata i tētahi kōmiti i whakatūria e te Kāwana ki te wānanga i tēnei kaupapa, otirā, e ai ki a Rereata, i waihotia ki a Rangi Matamua te kōwhiri i te rā, nā tōna tino mōhio ki ngā āhuatanga o ngā whetū – ko ia hoki te kaihautū o te kōmiti. He rā nekeneke, nā te mea he rerekē ia tau ngā wāhanga o te maramataka Māori.

Ko tētahi āhuatanga i āta wānangatia e te kōmiti, ko ngā tikanga rerekē o tēnā iwi, o tēnā iwi – hei tauira, ki ētahi, ko Puanga te tohu matua o te tau hōu Māori. Otirā, kua whakaaetia kia waiho a Matariki hei tohu matua, nā te whakapapa o tērā mea, nā te hononga o Matariki ki ngā moutere o Te Moana-nui-a-Kiwa.

I kōrero tahi rāua mō te āwangawanga ka riro tēnei rā hei mahi moni e tauiwi, kei riro hoki tēnei rā hei tuku i ngā kōrero a iwi kē, Pākeha mai, tauiwi mai. E ai ki a Rereata, he wā tēnei mō te tuku kōrero mō te mātauranga Māori; mai rāno i pēhia te mātauranga Māori e te ao Pākehā, nō reira, me waiho tēnei wā mō te mātauranga Māori.

Kupu

uiuinga – interview

tohunga kōkōrangi – expert in astronomy, knowledge of the heavens

tohunga tātai arorangi – expert in astronomy, knowledge of the heavens

whakatairanga(tia) – promote

painga – benefits, good things that come from something

maramataka – calendar

kōwhiri – choose

kōwhiringa-ā-motu – election

whai wāhi – take part

kaihautū – leader, chairperson

rā nekeneke – moveable day (not the same every year)

āwangawanga – concern

pēhi(a) – suppress(ed)

Ia tau ka whakanuia e Whakaata Māori ētahi tāngata, rōpū rānei o te ao Māori i te wā o Matariki. I tēnei uiuinga ka kōrero tahi a Tūmamao Harawira me Shane Taurima mō tēnei k­­aupapa.

Tuatahi, anei te uiuinga tūturu (original), i Manako (Radio Wātea):

Tuarua, anei te ‘korero poto‘:

Me te tuhinga ‘kōrero poto’:

I tēnei uiuinga ka kōrero tahi a Tūmamao Harawira rāua ko Shane Taurima. Ko Shane te tāhuhu rangapū (te CEO i te reo Pākehā) o Whakaata Māori (Māori Television). Ia tau ka whakanuia e Whakaata Māori ētahi tāngata, rōpū rānei o te ao Māori i te wā o Matariki. Ahakoa he rerekē te pō whakamānawa i tēnei tau (ko te mate karauna te take), i tū tonu te kaupapa, kua whakanuia tonutia ēnei tāngata pai, rōpū pai o te ao Māori.

E ai ki a Shane, ko te mea nui, ko te whakahōnore i ngā tāngata Māori i tino angitū i roto i ngā marama kua mahue i mua i te wā o Matariki. Tōna tikanga, ka tū tēnei pō whakamānawa i Pipiri, otirā, kāore e taea i tēnei tau. Nō reira, i puta mai te whakaaro, me haere te rōpū hopuata ki te kāinga o tēnā, o tēnā. I whakaaturia te kiriata i te Rāhoroi i te mutunga o te wiki o te reo Māori.

E ai ki a Tūmamao, ko te mea mīharo o tēnei kaupapa, ko te tirohanga whānui ki ngā āhuatanga katoa o te ao Māori. E tika ana tērā – tekau mā tahi ngā wāhanga o te kaupapa, ā, ko tētahi mea hou, ko te wāhanga e mihi ana i te tangata, i te rōpū rānei i mahi pai i roto i ngā uauatanga o te mate karauna (ko Whānau Ora i whiwhi i tērā tohu). I whakanuia hoki a Kahurangi Tureiti Moxon mō ana mahi pai e tautoko ana i ngā whānau Māori i roto i te tautohe me Oranga Tamariki.

Otirā ko te tohu nui o te pō i tukuna ki te hapori o Ihumātao, ko tā Shane, “mō tā rātou whakahuihui i te tini me te mano i runga i tō rātou kaupapa i reira.” Ko te āhuatanga o tā rātou mahi i tino mihia, ko te whakaemi i ngā tāngata o tēnā iwi, o tēnā  iwi, Māori mai, Pākehā mai i runga i te kaupapa.

I kōrero hoki a Shane mō te whiwhi tohu a Tā Tipene O’Regan, mō ana mahi mō te iwi Māori, mō tōna ake iwi a Ngāi Tahu, i ngā tau e hia kua pahure.

Kupu hou (pea)

uiuinga                  interview

whakamānawa    acknowledge, praise

Pipiri                      Hune, June

rōpū hopuata       camera crew

Kahurangi              Dame

tautohe                  dispute

mate karauna        Covid-19

whakaemi              draw together

mahue                    to have gone past (stative)

pahure                    to have gone past (stative)