I tēnei uiuinga, ka kōrero tahi a Tumamao Harawira rāua ko Rāwiri Wright. Ko Rāwiri te māngai mō ngā kura kaupapa o te motu.
Link to the original Manako interview:
My brief version:
Ko te kaupapa, ko tētahi pūrongo mō te kore tae atu a ētahi ākonga ki te kura i te tīmatanga o te kura, ko te matangaro o ētahi ākonga – he maha kē o rātou, he tamariki Māori.
Kua mārama i te tīmatanga o te uiuinga, i kuraina a Tumamao i tētahi kura kaupapa. E ai ki a ia, ina kua kore i tae atu ia ki te kura i te wā e tamariki ana, kua ‘ringihia tō taringa’ e tētahi whaea ki reira (he kōrero ngahau noa iho). Otirā, e ai ki a Rāwiri, ko te raru kē, kāore i te pai ngā kura auraki mō ngā tamariki Māori.
E ai ki a ia, kāore i tino kitea tēnei mea (ko te matangaro o ngā tamariki) i ngā kura Māori, i te mea, e rata ana ngā tamariki ki ngā āhuatanga katoa o ngā kura Māori, ki ngā kaiako o ngā kura, ki ngā mahi hoki i ērā momo kura. Ki a ia, ka whai mana tō rātou ahurea i ngā kura kaupapa Māori, nō reira, e rata ana ngā tamariki Māori ki ngā kura Māori.
E ai ki a Rāwiri (rāua ko Tumamao), ka aroha kē te pōhēhē o ētahi mātua Māori me haere ā rātou tamariki ki ngā kura auraki ki te whai angitū, ki te piki ki te taumata o te mātauranga. Ko tā Rāwiri, me whakatairanga tonu ngāi Māori i ngā painga o ngā kura Māori, kia mōhiotia ai e ngā mātua ngā hua pai o ērā momo kura. E ai ki a Rāwiri, i roto i ngā tatauranga mō ngā momo kura, kua kitea he pai ake ngā kura Māori mō ngā tamariki Māori. Ki a ia, ehara tērā i te whakapae noa iho, he meka kē.
Vocab
te māngai spokesperson
matangaro be absent
kuraina be schooled, attend school (passive)
auraki mainstream (kura auraki)
whai mana have mana, have status or standing
ahurea culture
whai angitū have success, be successful
whakatairanga promote
tatauranga statistics
whakapae an assertion
he meka a fact
He kōrero poto 